Samrat Ashok Jivani in Hindi

Samrat Ashok

 Samrat Ashok Stroy in Hindi

Naam -: Chakrvarti Samrat Ashok
 Rajyakal-:  304 eesa purv se 232 eesa purv
 Rajyabhishek-: 270 eesa purv
 Janm-:  304 eesa purv pataliputr, (patana)
 Mirtyu-: 232 eesa purv pataliputr, (patana)
 Uttaradhikari-: dasharath moray
 Patni-: devi (vedis-mahadevi shakya kumarei)
 Karuvaki (dvitiy devi tivalamata)
 asandhimitra - agramahishi, ahankara, padmavati, tishyarakshita
 Vansh-: moray
 Pita-: Bindusar
 Mata-:  subhadrangi (uttari parampara), Rani dharma (dakshini parampara)

Aarmbhik Jivan

Ashok moray samrat Bindusar tatha rani dharma ka putr tha. lanka ki parampara me bindusar ki solah pataraniyo aur 101 putro ka ullekh hai. putro me keval tin ke namollekh hai, ve hai - susim jo sabase bada tha, Ashok aur tishy. tishy Ashok ka sahodar bhai aur sabase chota tha.ek din usako svapn aya usaka beta ek bahut bada samrat banega. usake baad use raja bindusar ne apani rani bana liya. chunki dharma koi kshatriy kul se nahi thi atah usako koi vishesh sthan rajakul me prapt nahi tha. Ashok ke kai (sautele) bhai -bahane the.

bachapan me uname kadi pratispardha rahati thi. ashok ke bare me kaha jata hai ki vo bachapan se sainy gatividhiyo me pravin tha. do hazar varsho ke pashchat, ashok ka prabhav eshiya mukhyatah bharatiy upamahadvip me dekha ja sakata hai. ashok kaal me ukera gaya pratitatmak chihn, jise ham ashok chihn ke naam se bhi janate hai, aaj bharat ka rashtriy chihn hai. baudh dharm ke itihas me gautam budh ke pashchat Ashok ka hi sthan aata hai.

divyadan me ashok ki ek patni ka naam tishyarakshita milata hai. usake lekh me keval usaki patni karunavaki hai. divyadan me ashok ke do bhaiyo susim tatha vigatashok ka naam ka ullekh hai.



Samraj Ki Shuruwat

kuch varshon ke baad sushim se tang aa chuke logo ne ashok ko rajasinhasan hathiya lene ke lie protsahit kiya, kyonki samrat bindusar vrdh tatha rugn ho chale the. jab vah ashram me the tab unako khabar mili ki unaki ma ko unake sautele bhaiyo ne mar dala, tab unhone mhal me jakar apane sare sautele bhaiyo ki hatya kar di aur samrat bane.


satta sambhalate hi ashok ne purv tatha pashchim, dono disha me apana saamrajy failana shuru kiya. usane adhunik asam se iran ki sima tak saamrajy keval 8 varsho me vistrt kar liya.


Kaling Yudh

Ashok ne apane rajyabhishek ke 8 ve varsh (261 ee. poo.) me kaling par akraman kiya tha. antarik ashanti se nipatane ke baad 26 9 ee. poo. me usaka vidhivat abhishek hua 13ve shila lekh ke anusar kaling yudh me ek lakh 50 hajar vyakti bandi banakar nirvasit kar die gaye, ek lakh logo ki hatya kar di gayi. samrat Ashok ne bhari narasanhar ko apani ankho se dekha. isase dravit hokar Ashok ne shanti-samajik pragati tatha dharmik prachar kiya. .

Kaling Yudh

 

kaling yudh ne Ashok ke hrday me maha parivartan kar diya. usaka hrday manavata ke prati daya aur karuna se bhar gaya. usane yudhakriyao ko sada ke lie band kar dene ki pratigya ki. yaha se adhyatmik aur dham vijay ka yug shuri hua. usane baudh dharm ko apana dharm svikar kiya.


Baudh Dharam Ka Parchar-:

Ashok ne baudh dharm ko apana liya aur samrajy ke sabhi sadhano ko janata ke kalyan hetu laga diya. Ashok ne baudh dharm ke prachar ke lie nimnalikhit sadha apanaye-:

    (1.) dharmayatrao ka prarambh,
    (2.) rajakiy padadhikariyo ki niyukti,
    (3.) dharm mahapatro ki niyukti,
    (4.) divy rupo ka pradarshan,
    (5.) dharm shrava evan dharmopadesh ki vyavastha,
    (6.) lokacharita ke kary,
    (7.) dharmalipiyo ka khudavana,
    (8.) videsho me dharm prachar ko pracharak bhejana aadi.


Shilalekh-:

Samrat Ashok duvara pravartit kul 33 abhilekh prapt hue hai jinhe Ashok ne Stambho, chattano aur gufao ki divaro me apane 269 eesaapurv se 231 eesaapurv chalane vale shasanakal me khudavae. ye adhunik bangaladesh, bharat, afganistaan, paakistan aur nepal me jagah-jagah par milate hai aur baudh dharm ke astitv ke sabase prachi pramano me se hai.

Moray Samrajye

Mirtiyu

Ashok ne lagabhag 40 varsho tak shasan kiya jisake baad lagabhag 234 eesaapurv me usaki mirtiyu hui. usake kai santan tatha patniya thi par unake bare me adhik pata nahi hai. usake putr mahendr tatha putri sanghamitra ne baudh dharm ke prachar me yogadan diya.
Ashok ki mirtiyu ke baad moray rajavansh lagabhag 50 varsho tak chala.

Magadh tatha bharatiy upamahadvip me kai jagaho par usake avashesh mile hai. patana (pataliputr) ke pas kumharar me Ashoka kalin avashesh mile hai. lumbini me bhi Ashok stambh dekha ja sakata hai. karnatak ke kai sthano par usake dharmopadesho ke shilotkirn abhilekh mile hai.