Bipin Chandr Pal
Bipin Chandr Pal Story in Hindi
Bipin chandr pal (7 navambar, 1858 - 20 may 1 9 32) ek bharatiy krantikari the. bharat ke svatantrata andolan ki buniyad taiyar karane me pramukh bhumika nibhane vali lal-bal-pal ki tikadi me se ek vipinachandr pal rashtravadi neta hone ke sath-sath shikshak, patrakar, lekhak va behetrin vakta bhi the aur unhe bharat mein krantikari vicharo ka janak bhi mana jata hai.
Lala lajapat ray, balagangadhar tilak evan vipinchandr pal (lal-bal-pal) ki is tikadi ne 1905 me bangal vibhajan ke virodh me angreji shasan ke khilaph andolan kiya jise bade paimane par janata ka samarthan mila. garam vicharon ke lie mashahur in netao ne apani bat tatkalin videshi shasak tak pahunchane ke lie kai aise tarike ijad kie jo ekadam nae the. in tarikon me briten me taiyar utpadon ka bahishkar, mainachestar ki milo me bane kapadon se parahej, adhyogik tatha vevasaayi pratishthano me hadatal adi shamil hai.
Unhone mahasus kiya ki videshi utpado ki vajah se desh ki arthavavastha khastahal ho rahi hai aur yaha ke logo ka kam bhi chhin raha hai. unhone apane andolan me is vichar ko bhi samane rakha. rashtriy andolan ke dauran garam dhade ke abhyuday ko mahatvapurn mana jata hai kyonki isase andolan ko ek nai disha mili aur isase logo ke bich jagarukata badhi.
Rashtry andolan ke dauran jagarukata paida karane me unaki aham bhumika rahi. unaka vishvas tha ki keval pereyer pitishan se svaraj nahi milane vala hai.
Jivani:-
Shat navambar 1858 ko avibhajit bharat ke habibaganj jile me (ab bangladesh me) ek sampan ghar me paida vipinachandr pal sarvajanik jivan ke alava apane niji jivan me bhi apane vicharon par amal karane vale aur sthaapit dakiyanusi manyatao ke khilaph the. unhone ek vidhava se vivah kiya tha jo us samay durlabh bat thi. isake lie unhe apane parivar se nata todana pada. lekin dhun ke pakke pal ne dabavon ke bavajud koi samajhauta nahi kiya.
Kisi ke vicharon se asahamat hone par vah use vyakt karane me piche nahi rahate. yahan tak ki sahamat nahi hone par unhone mahatma gandhi ke kuch vicharon ka bhi virodh kiya tha.
Keshavachandr sen, shivanath shastri jaise netao se prabhavit pal ko aravind ke khilaph gavahi dene se inkar karane par chah mahine ki saja hui thi. isake baad bhi unhone gavahi dene se inkar kar diya tha. jivan bhar rashtrahit ke lie kaam karane vale pal ka 20 may 1932 nidhan ho gaya ko.
Rachanaen
Indian Nationalism
Nationality and Empire
Swaraj and the Present Situation
The Basis of Social Reform
The Soul of India
The New Spirit
Studies in Hinduism
Queen Victoria - Biographie
patrikaho ka samperdan
vipinchander pal ne lekhek or patrkar ke rup mebhut smy tak kary 1886 me unhone silahat se niakalane vaale paridarshak namak saptahik me kary arambh kiya.
. paridrshk 1880
. Bengal Public Opinion 1882
. Tribune in Lahore 1887
. The New India 1892
. The Independent ,
. India 1901
. vandematram1906, 1907
. svraj1908 -1911,
. The Hindu Review 1913
. The Democrat 1919, 1920,
. Bengali 1924, 1925
Comments
Post a Comment