Swami Vivekananda
Swami Vivekanand Story in Hindi
Janm: - Narendranath datt 12 janavari 1863 kalakata
(ab kolakata)
mirtiu: - 4 july 1902 (umr 39)
belur math, bangal riyasat, british raj
(ab belur, pashchim bangal mein)
guru / shikshak: - shree ramakrshn paramahans
darshan: - adhunik vedant, raj yog
sahityik kary raj yog, karm yog, bhakti yog, gyaan yog, maee mastar
Swami Vivekananda Kathan : "Utho, Jago Aur Tab Tak Nahin Ruko Jab Tak Manjil Prapt Na Ho Jaye"
Janm Evam Bachapan
Swami Vivekananda ka janm 12 Janavar san 1863 (vidvanon ke Anusar Mkar Sankranti Sanvat 1920) ko kalakata me ek kayasth parivar me hua tha. unake bachapan ka nam narendranath datt tha. pita vishvanath datt kalakata haikort ke ek prasiddh vakil the. durgacharan datta, (narendr ke dada) sanskrt aur pharasi ke vidvan the unhone apane parivar ko 25 ki umr mein chod diya aur ek sadhu ban gae. unak maata bhuvaneshvari devi dharmik vicharon kee mahila thin. adhikansh samay bhagavan shiv ki pooja-archana mein unaka vyatit hota tha. narendr ke pita aur unaki man ke dharmik, pragatishil va tarkasangat ravaiya ne unaki soch aur vyaktitv ko akar dene me madad ki.
Bachapan se hee narendr atyant kushaagr budhi ke to the hi natakhat bhi the. apane sathi bachchon ke sath ve khub shararat karate aur mauka milane par apane adhyapakon ke sath bhi shararat karane se nahi chukate the. unake ghar me niyamapurvak roj pooja-paath hota tha dhaarmik pravrtti kee hone ke kaaran mata bhuvaneshvari devi ko puran, ramayan, mahabharat adi ki katha sunane ka bahut shauk tha. kathavachak barabar inake ghar ate rahate the.
Niyamit Roop se Bhajan-kirtan bhi hota rahata tha Parivar ke dharmik evam adhyatmik vatavaran ke prabhav se balak narendr ke man me Bachapan se h Dharm evam adhyatm ke sanskar gahare hote gaye. Mata-pita ke Sanskaron aur dharmik Vatavaran ke kaaran balak ke man me Bachapan se hi ishvar ko janane aur use prapt karane ki lalasa dikhayi dene lagi thi. ishvar ke bare me janane ki utsukata mein kabi-kabhi ve aise prashn puchh baithate the ki inake mata-pita aur kathavachak panditaji tak chakar me pad jate the.
Vivekanand bade Svapnadrshta the. Unhone ek aise Samaj ki kalpana ki thi Jisamen dharm ya jati ke Adhar par manushy-manushy me koi bhed na rahe. unhone vedant ke sidhanton ko isi rup me rakha. Adhyatmavad banam Bhautikavad ke vivad me pade bina bhi yah kaha ja sakata hai ki samata ke Siddhant ka jo adhar vivekanand ne diya usase sabal Baudhik adhar shayad h dhoondha ja sake. Vivekanand ko yuvakon se badi ashaen thin. aaj ke yuvako ke liye is ojasvi sanyasi ka jivan ek Adarsh hai. unake nana ji ka nam shree Nandalal basu tha.
Vivekanand ka yogadan tatha mahatv
Untalis varsh ke sankshipt jivanakaal mein svami vivekanand jo kam kar gaye ve ane vali anek shatabdiyon tak pidhiyon ka margadarshan karate rahenge.
Ties varsh ki ayu me svami vivekanand ne shikago, amerika ke vishv dharm samelan me hindu dharm ka pratinidhitv kiya aur use sarvabhaumik pahachan dilavayi. gurudev ravindranath thakur ne ek baar kaha tha- "yadi aap bharat ko janana chahate hai to vivekanand ko padhiye. unamen aap sab kuchh sakaratmak hi payenge, nakaratmak kuchh bhi nahin".
Roman rolan ne unake bare mein kaha tha- "unake dvitiy hone ki kalpana
karana bhi asambhav hai, ve jahan bhi gaye, sarvapratham hi rahe. har
koi unamen apane neta ka digdarshan karata tha. ve ishvar ke pratinidhi
the aur sab par prabhutv prapt kar lena hi unaki vishishtata thi.
himalay pradesh mein ek bar ek anajan yaatri unhen dekh thithak kar ruk
gaya aur ashcharya purvak chilla utha-shiv! yah aisa hua mano us vyakti
ke aradhy dev ne apana nam unake mathe par likh diya ho".
Ve keval sant hi nahi, ek mahan deshabhakt, vakta, vicharak, lekhak aur manav-premi bhi the. amerika se lautakar unhone deshavasiyon ka ahvan karate hue kaha tha- "naya bharat nikal pade mochi ki dukan se, bhadabhunje ke bhad se, karakhane se, hat se, bajar se;. nikal pade jhadiyon, jangalon, pahadon, parvaton se" aur janata ne svamiji ki pukar ka utar diya. vah garv ke sath nikal padi. gandhij ko ajadi ki ladai me jo jan-samarthan mila, vah vivekanand ke ahvan ka hi phal tha.
is prakar ve bharatiy svatantrata sangram ke bhee ek pramukh prerana-srot bane. unaka vishvas tha ki pavitr bharatavarsh dharm evan darshan ki punyabhumi hai. yahi bade-bade mahatmaon va rshiyon ka janm hua, yahi sanyas evam tyag ki bhumi hai tatha yahin-keval yahin-aadikal se lekar aaj tak manushy ke liye jivan ke sarvochch adarsh evam mukti ka dvar khula hua hai. unake kathan - " utho, jago, svayan jagakar auron ko jagao apane nar-janm ko saphal karo aur tab tak nahin ruko jab tak lakshy prapt na ho jaye.."
Mirtyu :
Vivekanand ojasvi aur saragarbhit vyakhyanon ki prasidhi vishv bhar me hai. jivan ke antim din unhone shukl yajurved ki vyakhya ki aur kaha- "ek aur vivekanand chahiye, yah samajhane ke liye ki is vivekanand ne ab tak kya kiya hai." unake shishyon ke anusar jivan ke antim din 4 july 1902 ko bhee unhone apani dhyan karane ki dinacharya ko nahin badala aur praat: do tin ghante dhyan kiya aur dhyanavastha mein hi apane brahmarandhr ko bhedakar mahasamadhi le li. belur me ganga tat par chandan ki chita par unaki antyeshti ki gayi. isi ganga tat ke dusari or unake guru ramakrshn paramahans ka solah varsh purv antim sanskar hua tha.
unake shishyon aur anuyayiyon ne unaki smrti me vahan ek mandir banavaya aur samuche vishv mein vivekanand tatha unake guru ramakrshn ke sandeshon ke prachar ke liye 130 se adhik kendron ki sthapana ki.
Comments
Post a Comment