Chatrapati Shivaji
Chatrapati Veer Shivaji Story in Hindi
Arambhik jivan
Shivaji maharaj ka janm 19 february 1630 me shivaneri durg me hua tha. shahaji bhonsale ki patni jijabai (rajamata jijahu ki kokh se shivaji maharaj ka janm 19 februry1630 ko shivneri durg me hua tha. shivneri ka durg puna (pune) se utar ki taraf junar nagar ke paas tha. unaka bachapan unaki mata jijau ke margadarshan me bita. vaha sabhi kalao me mahir the, unhone bachapan me rajaniti evan yudh ki shiksha lee thi. ye bhonsale upajati ke the jo ki mulatah kshatriy rajaput vansh ke the unake pita apratim shurveer the aur unaki dusari patni tukabai mohite thi.
unaki mata ji jijabai jadhav kul me utpan asadharan pratibhashali thi aur unake pita ek shaktishali samant the. shivaji maharaj ke charitr par mata-pita ka bahut prabhav pada. bachapan se hi ve us yug ke vatavaran aur ghatanaon ko bhali prakar samajhane lage the. shasak varg ki karatuton par ve jhallate the aur bechai ho jate the. unake bal-hrday me svadhnata ki lau prajvalit ho gayi thi. unhone kuchh svamibhakt sathiyon ka sangathan kiya. avastha badhane ke sath videshi shasan ki bediyan tod phenkane ka unaka sankalp prabalatar hota gaya. chatrapati shivaji maharaj ka vivah san 14 mai 1640 me saibai nimbalakar ke sath laal mahal, puna me hua tha.
Shivaji raje ki badhati takat ko dekhate hue mughal samrat aurangajeb ne jay singh aur dileep khan ko shivaji ko rokane ke liye bheja. aur unhone shivaji ko samajhaute par hastakshar karane ke lie kaha. samajhaute ke anuar unhe mughal shasak ko 24 kile dene the. isi irade se aurangajeb ne shivaji raje ko aamantrit bhi kiya. aur baad me shivaji raje ko aurangajeb ne apani hirasat me le liya tha kaid se azad hone ke bad, chatrapati ne jo kile purandar samajhaute me khoye the unhen punah hasil kar liya. aur usi samay unhe "chatrapati" ka shirshak bhi diya gaya.
Unhone marathao ki ek vishal sena taiyar ki thi. unhone gurilla ke yudh prayog ka bhi prachalan shuroo kiya. unhone sashakt nausena bhi taiyar kar rakhi thi. nausena ka unhe janak kaha jata hai bharatiy. jun, 1674 me unhen maratha raajy ka sansthapak ghoshit karake sinhasan par baithaya gaya.
Shivaji maharaj ke rajyabhishek ke 12 din baad unaki mata ka dehant ho gaya. unako chatrapati ki upadhi di gayi. unhone apana shasan hindu-padhdati ke anusar chalaya.shivaji maharaj ke sahasi charitr aur naitik bal ke liye us samay ke mahan sant tukaram, samarth gururamadas tatha unaki mata jijabai ka atyadhik prabhav tha.
Charitr
Shivaji maharaj ko apane pita se svaraj kee shiksha hi mili jab bijapur ke sultan ne shahaji raje ko bandi bana liya to ek adarsh putr ki tarah unhone bijapur ke shaah se sandhi kar shaahaji raje ko chudava liya. isase unake charitr me ek udar avayav najar aata hai. usek baad unhone pita ki hatya nahi karavai jaisa ki any samrat kiya karate the. shahaji raje ke marane ke baad hi unhone apana rajyabhishek karavaya hanlanki vo us samay tak apane pita se svatantr hokar ek bade samrajy ke adhipati ho gaye the. unake netrtv ko sab log svikar karate the yahi karan hai ki unake shasanakal me koi antarik vidroh jaisi pramukh ghatana nahi hui thi.
Sah ek achchhe senanayak ke sath ek achchhe kutantigy bhi the. kai jagahon par unhone sidhe yudh ladane kee bajay yudh se bhag liya tha. lekin yahi unaki kutaniti thi, jo har bar bade se bade shatru ko mat dene me unaka sath deti rahi.
Shivaji maharaj ki "ganimi kava" namak kutaniti, jisamen shatru par achanak akraman karake use haraya jata hai, vilobhaniyata se aur adarasahit yad kiya jata hai.
Shivaji maharaj ke gaurav me ye panktiya likh ga hai: -
Shivarayanche athavave svarup. shivarayancha athavava sakshep.
shivarayancha athavava pratap. bhumandali.
Mirtyu - April, 1680 mein shivaji maharaj ka dehant huva. shivaji maharaj ki ganimi kava ko vilobhaniyatase aur adarasahit yad kiya jata hai.
Chatrapati Veer Shivaji Jivai in Hindi
Comments
Post a Comment